سرعة*سرعة

السلام عليكم ورحمة الله وبركاته
انهارده معايا صورة بحبها جدااا جداا لأني كنت نفسي ألقطها وأجرب اصورها من زمان
والحمد لله اتيحت لي الفرصة دي مؤخرا
والسبب اني مكنتش عارف اصورها ان مكانش معايا حامل ثلاثي او ترايبود عشان الصورة دي متنفعش من غيره
واحد هيسألني ليه؟ اقوله لأن زي ما كنا قلنا زمااان ف المدونة ان فيه 3 عناصر بيتحكموا ف دخول الضوء للعدسة منهم سرعة الغالق
وسرعة الغالق بتتقاس بجزء من الثانية
المهم الصورة هنا بتتصور بسرعة غالق كبيرة جدا يعني من 6 ثواني فما فوق لحد 30 ثانية
وده عشان نقدر نطلع صورة اوضح
نيجي بقي للصورة نفسها
هي عبارة عن صورة للعربيات اللي ماشية ف الشارع ف الاتجاهين
طبعا ف اتجاه هتدي ضوء احمر وده ضهر العربية اما وشها فهيدي ضوء اصفر
وطول ما العربية ماشية بيتم عمل تسجيل للحركة دي عن طريق العدسة
يعني فريم بيتحط وراه فريم لحد ما يكون لنا الخطوط اللي بنشوفها ف الصورة هنا
انا مصور الصورة دي بسرعة غالق 4 ثواني فقط عشان لو كنت زودت عن كده كانت الصورة هتطلع فاتحة جدا وهتبوظ عشان الضوء اللي هيدخل هيبقي أكتر بكتير من المطلوب
بعد كده انا عملت تأثير للصورة دي اسمه High Dynamic Range = HDR
ومعناه ان الصورة الناتجة بتتكون من 3 صورة ب3 فتحات عدسات متتالية وفتحة العدسة هي العنصر التاني اللي بيتحكم ف الضوء
اما العنصر التالت فهو حساسية المادة الحساسة للفيلم او الجزء الالكتروني للضوء
واسيبكم مع الصورة