مشكاة

السلام عليكم ورحمة الله وبركاته
انهارده انا جايب لكم صورة الاسبوع اللي جاي عشان انا هكون ف معسكر باجوش ان شاء الله ومحدش ينق عليا P:
مش ناقصة هي
صورة انهارده هي المشكاة من اخر ورشة عمل برضه بس مش في انطونيادس
المرة دي في مسجد أبو العباس المرسي
انا اه روحت ورشة عمل هناك قبل كده بس الواحد كل ما بيروح مكان بعد فترة بيكون فيه افكار جديدة بتيجي ورا بعضها خصوصا لو انت لفيت ف المكان كذا مرة زي ما حصل ف ورشة العمل بتاعت الماكس
وع رأي المثل التكرار يعلم الشطار D:
المرة اللي فاتت انا كنت بصور المسجد من بره وبس يعني بسجل رؤية بدون اي جديد يعني شوية ابداع ف الزوايا والاضواء
لكن المرة دي الرؤية مختلفة عشان كذا عامل منها الخبرة والتكرار زي ما قولنا وتاني حاجة الافكار الجديدة وعدم الاعتماد ع المنظر العادي فقط لكن اخذ صور غير تقليدية واخر حاجة استخدام التكنولوجيا المتمثلة هنا ف ال HDR
بس كده مش هطول عليكم انهارده عشان انا بحضر شنطة هدومي بس قولت ادردش شوية معاكم
واشوفكم ع خير واستنوا مني صور جديدة من باجوش بقي
يالا سلام