يا بلدنا لا تنامي

السلام عليكم ورحمة الله وبركاته
صورة الاسبوع حاجة جديدة خااااالص....ومحطتهاش قبل كده ع النت
هي ضمن مجموعة صور كنت صورتها في مسقط رأسي كوم حمادة...والله واتكتب اسمها ع النت يا ولاد
سمعونا زرغوتة بقي...لولولولولولولللللوي
كنت نزلت في وسط الغيطان انا ومحمود صديقي الصدوق عشان نصور بعد صلاة الظهر
طبعا الفلاحين كانوا مش موجودين تقريبا عشان احنا كنا ايام عيد الاضحي كل سنة وانتوا طيبين
وطبعا لو حد شافنا كان بيشك ف أمرنا..عشان بنصور وماشين ومحدش يعرفنا فكان شكلنا مريب
وكان المفروض طبقا للتخطيط كنا هنقعد نلف من الساعة 12 لحد الساعة 4 العصر بس للأسف مقدرناش نكمل ساعتين ع بعض عشان الجو كان حر قوووووووووي واحنا كنا صايمين ومكناش اتسحرنا اصلا فالخطة باظت
دي بقي عربية الفلاحين بيحطوا فيه المحصول زي البرسيم وخلافه عليها عشان يروحوا بيه
يعني عربية نقل ع صغير وصنع محلي ميه الميه
عجبني منظرها جدا وسط الحقل وهي واقفة مع نفسها فقلت اصورها
طبعا انا مكنتش شايف عشان الشمس كانت ضاربة ف وشي وشفت بالعافية وانا بصور وطلعت الصورة دي
اتمني تعجبكوا واسيبكم مع الصورة