السلام عليكم ورحمة الله وبركاته
ازيك يا محبي التصوير ويا محبي المدونة الكميلة بتاعي
عاملين ايه من غيري....طبعا مش محتاجة سؤال..أكيد متبهدلين يا حبة عيني
يالا اهو نصيبكم كده بقي
انهارده هآخدكم ونروح الفيوم
ومحدش يقول لي كلمة عن الفيوم عشان انا فيا اللي مكفيني منها
انا سامع ناس هتقولي فيوم ايه ياعم دي...هي ناقصة جواميس وبقر وبتاع
هقوله يبقي انت اكيد مش ف مصر..ههههههههه
الفيوم اه طلعت محافظة تجيب الشلل بس طلع فيها حاجات حلوة
يوم الجمعة اللي فاتت عملنا رحلة للفيوم ...انا وخالد صديقي اللي كنا منظمينها وانا كنت خلاص هبصم بالعشرة من الناس وجبت اخري وكنا ناوين نلغي الرحلة بس قولنا نكمل للآخر عشان الناس اللي وعدناها بالرحلة
الرحلة اه كانت متعبة جدا والاتوبيس مكانش زي ما احنا عاوزين بس الناس اتبسطت برضه الحمد لله
الطريق من اسكندرية بياخد 3 ساعات ونص
وصنا أول زيارة لمنطقة اثرية اسمها كرانيس في اول الفيوم وجنبها متحف كوم اوشيم اللي كان قافل
طبعا الناس اتصورت واتبسطت في كرانيس بس الكل اخد سمرة الصعيد من ساعتين شمس بس
المنطقة فوق تلة تطل ع ارض زراعية جميلة جداااا
وبعد كده رحنا السواقي اللي ف وسط البلد وملهاش لازمة وبرضه عين السيلين اللي ف منطقة شبه مراجيح المولد
وبعد كده بقي رحنا لوادي الريان
ف الطريق عدينا ع بحيرة قارون...بجد كان فيه شوية مناظر روعة ع البحيرة تستحق التصوير ويا سلام ع البحيرة دي وقت الغروب والمراكب واقفة فيها ولون الشفق منعكس عليها بتدرجات الوان محصلتش...سبحان الله
ووصلنا وادي الريان عند الشلالات..وهي جزء من بحيرة قارون ودي الشلالات الوحيدة ف ايجيبت D:
طبعا انا كنت مجهز معايا الترايبود عشان اصور صورة الشلال وهو منساب كده
بس للأسف معرفتش اظبطها كويس عشان الناس كانوا رايحين جايين عليه بيتصورا فوقيه او بينطوا من عليه مش عارف ليه
وكمان الشمس كانت شديدة وانا اصلا بضطر اعلي الاضاءة عشان الصورة تطلع زي ما انا عاوز فكانت مش بتطلع حلوة قوي
دي صورة للشلالات من غير ناس الحمد لله بس مشكلة الاضاءة موجودة
هي ممكن ع ما اعتقد تتظبط بالفوتوشوب بس انا قلت اوريهالكوا ع طبيعتها لحد ما ابحث ف امرها
ع فكرة الشلالات دي شكلها مش قد كده..وانا حاولت اخد لقطة من مكان كويس ع قد ما اقدر
ويارب الصورة تعجبكم واشوفكم ع خير
سلامي
ازيك يا محبي التصوير ويا محبي المدونة الكميلة بتاعي
عاملين ايه من غيري....طبعا مش محتاجة سؤال..أكيد متبهدلين يا حبة عيني
يالا اهو نصيبكم كده بقي
انهارده هآخدكم ونروح الفيوم
ومحدش يقول لي كلمة عن الفيوم عشان انا فيا اللي مكفيني منها
انا سامع ناس هتقولي فيوم ايه ياعم دي...هي ناقصة جواميس وبقر وبتاع
هقوله يبقي انت اكيد مش ف مصر..ههههههههه
الفيوم اه طلعت محافظة تجيب الشلل بس طلع فيها حاجات حلوة
يوم الجمعة اللي فاتت عملنا رحلة للفيوم ...انا وخالد صديقي اللي كنا منظمينها وانا كنت خلاص هبصم بالعشرة من الناس وجبت اخري وكنا ناوين نلغي الرحلة بس قولنا نكمل للآخر عشان الناس اللي وعدناها بالرحلة
الرحلة اه كانت متعبة جدا والاتوبيس مكانش زي ما احنا عاوزين بس الناس اتبسطت برضه الحمد لله
الطريق من اسكندرية بياخد 3 ساعات ونص
وصنا أول زيارة لمنطقة اثرية اسمها كرانيس في اول الفيوم وجنبها متحف كوم اوشيم اللي كان قافل
طبعا الناس اتصورت واتبسطت في كرانيس بس الكل اخد سمرة الصعيد من ساعتين شمس بس
المنطقة فوق تلة تطل ع ارض زراعية جميلة جداااا
وبعد كده رحنا السواقي اللي ف وسط البلد وملهاش لازمة وبرضه عين السيلين اللي ف منطقة شبه مراجيح المولد
وبعد كده بقي رحنا لوادي الريان
ف الطريق عدينا ع بحيرة قارون...بجد كان فيه شوية مناظر روعة ع البحيرة تستحق التصوير ويا سلام ع البحيرة دي وقت الغروب والمراكب واقفة فيها ولون الشفق منعكس عليها بتدرجات الوان محصلتش...سبحان الله
ووصلنا وادي الريان عند الشلالات..وهي جزء من بحيرة قارون ودي الشلالات الوحيدة ف ايجيبت D:
طبعا انا كنت مجهز معايا الترايبود عشان اصور صورة الشلال وهو منساب كده
بس للأسف معرفتش اظبطها كويس عشان الناس كانوا رايحين جايين عليه بيتصورا فوقيه او بينطوا من عليه مش عارف ليه
وكمان الشمس كانت شديدة وانا اصلا بضطر اعلي الاضاءة عشان الصورة تطلع زي ما انا عاوز فكانت مش بتطلع حلوة قوي
دي صورة للشلالات من غير ناس الحمد لله بس مشكلة الاضاءة موجودة
هي ممكن ع ما اعتقد تتظبط بالفوتوشوب بس انا قلت اوريهالكوا ع طبيعتها لحد ما ابحث ف امرها
ع فكرة الشلالات دي شكلها مش قد كده..وانا حاولت اخد لقطة من مكان كويس ع قد ما اقدر
ويارب الصورة تعجبكم واشوفكم ع خير
سلامي
ليست هناك تعليقات:
إرسال تعليق