ترزي الشبك

السلام عليكم ورحمة الله وبركاته
قبل ما اتكلم عن صورة انهارده مش عارف ايه اللي يخليني اكتب ف المدونة ومفيش اقبال
يالا كله من اجل الفن
عاشت مصر حرة ...عاش الاستقلال
نرجع لموضوعنا
ونرجع لصور البحر والصيادين
طبعا واضح من العنوان اننا بنتكلم عن صياد بيظبط الشبكة بتاعته او زي ما بيقولوا عليها الغزل
وصحصحوا معايا ومتغلبونيش معاكوا عشان ابقي حلو معاكم
الراجل ده بالذات كان قاعد ولا ف الدماغ واحنا ملمومين عليه بنصوره لأ وكمان كان بيستمخمخ بسوجارة
قوم ايه قطة ضغنطوطة جت كمان وعدسة الفنان الدكتور احمد فارس لقطتها وهي عاوزة تتصور مع صاحبها الصياد
وطلعت صورة ما شاء الله جامدة جدا وكمان اللهم لا حسد فاز بجايزة عن الصورة بتاعته ف مسابقة ساقية الصاوي
نرجع للصورة بتاعتي
طبعا دي كانت ف الماكس اللي احب كل الناس يروحوا لمجرد الفرجة ع حياة الناس دي
بجد المكان هناك تحفة جدااااااا وله طابع خاص جداا جداا
اسيبكم مع الصورة ويارب تعجبكم