ياريس

ونبدأ سوا افتتاح المصوراتي....ع فكرة الاسم من اختيار كريم

**أول صورة**

انا عشان بحب الصورة دي جدااا وعشان انا وخالد اول ما صورتها موصفلكوش سعادتي قد ايه بيها وبالراجل ابو قلب طيب اللي رضي اننا نصوره وكمان نصوره بالشبكة بتاعته هكتون دي اول صورة
عنوان الصورة جه ع بالي من مسلسل اذاعي افتركته انا واصحابي واحنا ف معسكر باجوش
احنا داخلين ع بحر الظلمات يا ريس
المركب بتغرق يا ريس
ياه ايام زي العسل والله
يا تري كل واحد فينا كل ما يشوف الصورة دي بيفتكر ايه او بيحس بإيه خصوصا ان الابيض واسود مديها ايحاء جميل انها قديمة
احب اشوف تعليقاتكم وانا شفت قبل كده تعليقات جميلة جدا ع الفيس بوك عن الصورة دي

ممكن تضغطوا ع الصورة عشان تشوفوها بالحجم الطبيعي ف صفحة لوحدها